ກອງປະຊຸມຜ່ານຮ່າງລາຍງານການເມືອງ ເພື່ອກະກຽມກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງອຸດສາຫະກໍາ ແລະ ການຄ້າ ຄັ້ງທີ III ໃນວັນທີ 29 (ວັນອັງຄານ) ກັນຍາ 2020

ສະຖາບັນຄົ້ນຄວ້າເສດຖະກິດອຸດສາຫະກໍາ ແລະ ການຄ້າ ຮ່ວມກັບກົມແຜນການ ແລະ ການຮ່ວມມື ໄດ້ຈັດກອງປະຊຸມກອງປະຊຸມຜ່ານຮ່າງລາຍງານການເມືອງ ເພື່ອກະກຽມກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງອຸດສາຫະກໍາ ແລະ ການຄ້າ ຄັ້ງທີ III ໃນວັນທີ 29 (ວັນອັງຄານ) ກັນຍາ 2020

ກອງປະຊຸມດັ່ງກ່າວ ເປັນປະທານໂດຍທ່ານ ສິລິສຳພັນ ວໍຣະຈິດ, ຄະນະພັກປະຈຳກະຊວງ ອຄ, ຫົວໜ້າ ສສອຄ ຊຶ່ງກອງປະຊຸມນີ້ ແມ່ນສຸມໃສ່ ການປັບປຸງຮ່າງລາຍງານການເມືອງໄດ້ສຳເລັດເບື້ອງຕົ້ນ ພາຍຫຼັງປັບປຸງເນື້ອໃນຕາມທີ່ບັນດາກຳມະການຂອງອະນຸກຳມະການ ໄດ້ປະກອບຄໍາເຫັນໃນກອງປະຊຸມຜ່ານຮ່າງເນື້ອໃນ ແລະ ທາບທາມບຸກຄະລາກອນ ຄັ້ງວັນທີ 06 ສິງຫາ 2020 ໂດຍໄດ້ປັບຮ່າງລາຍງານການເມືອງ ແລະ ແຜນ 5 ປີ ຈາກ 10 ແຜນນະໂຍບາຍ ຫຼື ແຜນງານເປັນ 5 ແຜນງານ ຈຶ່ງເຮັດໃຫ້ບາງບັນຫາຍັງບໍ່ເອກະພາບໃນສອງບົດ. ເພື່ອເຮັດໃຫ້ຮ່າງລາຍງານການເມືອງ ຄັ້ງທີ V ຂອງອົງຄະນະພັກກະຊວງອຸດສາຫະກໍາ ແລະ ການຄ້າ ມີເນື້ອໃນສົມບູນ-ຄົບຖ້ວນ, ເພື່ອເປັນການວາງນະໂຍບາຍວຽກງານຂະແໜງອຸດສາຫະກໍາ ແລະ ການຄ້າໃນອີກ 5 ປີ ຕໍ່ໜ້າ ແລະ ເພື່ອຄວາມເປັນເອກະພາບພາຍໃນອະນຸກຳມະການເນື້ອໃນ ກ່ອນທີ່ຈະມີການສົ່ງຮ່າງເອກະສານທັງສອງສະບັບໃຫ້ຫ້ອງວ່າການສູນກາງພັກກ່ອນເພີ່ນຈະລົງມາເຮັດວຽກນຳຄະນະພວກເຮົາໃນອາທິດຫນ້າ.

ກອງປະຊຸມ ໄດ້ຈັດຂຶ້ນໃນວັນທີ 29 (ວັນອັງຄານ) ກັນຍາ 2020 ເວລາ 9:00 ໂມງເຊົ້າ ທີ່ຫ້ອງປະຊຸມທາງໄກ ຊັ້ນ 3 ຂອງກະຊວງອຸດສາຫະກໍາ ແລະ ການຄ້າ.