ກະຊວງອຸດສາຫະກໍາ ແລະ ການຄ້າ ໄດ້ປະກາດແຕ່ງຕັ້ງພະນັກງານ 7 ພາກສ່ວນ ໃນວັນທີ 16 ພະຈິກ 2023

ກະຊວງອຸດສາຫະກໍາ ແລະ ການຄ້າ ໄດ້ປະກາດແຕ່ງຕັ້ງພະນັກງານ 7 ພາກສ່ວນ ເພື່ອແນໃສ່ຊຸກຍູ້ ການຫັນປ່ຽນຢ່າງແຂງແຮງ ແລະ ຮອບດ້ານ ພາຍໃຕ້ການນຳພາຂອງພັກ, ຈາກກົມບໍລິຫານລັດຂອງກະຊວງ ໃນວັນທີ 16 ພະຈິກ 2023, ໂດຍການຈັດຕັ້ງປະຕິບັດຕາມທິດຊີ້ນຳ ຂອງຄະນະປະຈຳພັກ ແລະ ກົມການເມືອງສູນກາງພັກ, ເພື່ອແນໃສ່ປະຕິບັດບັນດາໝາກຜົນ ຂອງກອງປະຊຸມກາງສະໄໝຂອງພັກ ແລະ ເສີມຂະຫຍາຍບົດບາດຂອງພັກ.
ໃນພິທີດັ່ງກ່າວ, ໂດຍການເປັນປະທານຂອງ ທ່ານ ມາໄລທອງ ກົມມະສິດ, ລັດຖະມົນຕີ ກະຊວງ ອຄ, ໄດ້ມີພິທີປະກາດ ພະນັກງານ ຄຸ້ມຄອງ ບໍລິຫານ ຈໍານວນ 7 ກົມ ພາຍໃນກະຊວງ.
ບັນດາທ່ານທີ່ໄດ້ຮັບການເລືອກເຟັ້ນ ແລະ ແຕ່ງຕັ້ງ ໃນ 7 ພາກສ່ວນໃນຄັ້ງນີ້ມີດັ່ງນີ້:
1. ທ່ານ ປອ.ບົວວັນ ວິລະວົງ ເປັນຫົວໜ້າຫ້ອງການກະຊວງ ອຸດສາຫະກໍາ ແລະ ການຄ້າ
2. ທ່ານ ພູວຽງ ພົງສາ ເປັນຫົວໜ້າກົມແຂ່ງຂັນທາງທຸລະກິດ ແລະ ກວດກາການຄ້າ
3. ທ່ານ ວິທູນ ສິດທິມໍລະດາ ເປັນຫົວໜ້າກົມສົ່ງເສີມການຄ້າ ແລະ ຫັດຖະກໍາ
4. ທ່ານ ສັນຕິສຸກ ພູນສະຫວັດ ເປັນຫົວໜ້າກົມການຄ້າພາຍໃນ
5. ທ່ານ ສໍາລີ ບຸດສະດີ ເປັນຫົວໜ້າກົມອຸດສາຫະກໍາ
6. ທ່ານ ວຽງສະຫວ່າງ ທິບພະວົງ ເປັນຫົວໜ້າສະຖາບັນອຸດສາຫະກໍາ ແລະ ການຄ້າ
7. ທ່ານ ໄຊສົມເພັດ ນໍລະສິງ ເປັນຫົວໜ້າກົມຊັບສິນທາງປັນຍາ