ຝຶກພະນັກງານອຸດສາຫະກຳ ແລະ ການຄ້າ ຂັ້ນເມືອງ ທົ່ວປະເທດຄັ້ງທີ XII ລະຫວ່າງວັນທີ 22-24 ພະຈິກ 2023

ສະຖາບັນອຸດສາຫະກຳ ແລະ ການຄ້າ ພາຍໃຕ້ ກະຊວງອຸກສາຫະກຳ ແລະ ການຄ້າ ໄດ້ຈັດຊຸດອົບຮົມ ຝຶກພະນັກງານອຸດສາຫະກຳ ແລະ ການຄ້າ ຂັ້ນເມືອງ ທົ່ວປະເທດຄັ້ງທີ XII ລະຫວ່າງວັນທີ 22-24 ພະຈິກ 2023, ທີ່ສະຖາບັນ ອຸດສາຫະກຳ ແລະ ການຄ້າ, ນະຄອນຫຼວງວຽງຈັນ. ພາຍໃຕ້ການເປັນປະທານຂອງທ່ານ ບຸນເຖິງ ດວງສະຫວັນ, ຮອງລັດຖະມົນຕີກະຊວງອຸດສາຫະກຳ ແລະ ການຄ້າ

ຊຶ່ງການຈັດຊຸດອົບຮົມ ຝຶກພະນັກງານອຸດສາຫະກຳ ແລະ ການຄ້າ ຂັ້ນເມືອງ ທົ່ວປະເທດຄັ້ງນີ້ ແມ່ນແນໃສ່ ປັບປຸງ ຍົກລະດັບຄວາມຮູ້ ແລະ ຄວາມເຂົ້າໃຈຂອງພະນັກງານໃນຂະແໜງອຸດສາຫະກຳ ແລະ ການຄ້າ ໂດຍສະເພາະຂັ້ນເມືອງ ກ່ຽວກັບສະພາບຕົວຈິງ, ວຽກງານການຄ້າ, ວຽກງານການເຊື່ອມໂຍງການຄ້າ, ແລະ ໂອກາດທາງການຄ້າທີ່ມີຢູ່ ໃນໄລຍະປະຈຸບັນ ພ້ອມທັງຊອກຫາຊ່ອງທາງທາງດ້ານການຄ້າ ເພື່ອຍາດແຍ່ງຜົນປະໂຫຍດຈາກການເຊື່ອມໂຍງການຄ້າ ແລະ ການປັບຕົວເຂົ້າໃຫ້ທັນກັບສະພາບການປ່ຽນແປງເສດຖະກິດໃນປັດຈຸບັນ.