ສະຖາບັນອຸດສາຫະກຳ ແລະ ການຄ້າໄດ້ຈັດກອງປະຊຸມພົບປະກັບ ປະທານ VITA Park ແລະ ຄະນະຈາກວິທະຍາໄລ VITA Park ໃນວັນທີ 25/4/2023

ໃນວັນທີ 25/4/2023, ສະຖາບັນອຸດສາຫະກຳ ແລະ ການຄ້າ (ສອຄ / IIC) ໄດ້ຈັດກອງປະຊຸມພົບປະກັບ ທ່ານ ເສີນ, ປະທານ VITA Park ແລະ ຄະນະວິຊາການ ຈາກວິທະຍາໄລ VITA Park ເພື່ອປຶກສາຫາລືກ່ຽວກັບການຮ່ວມມືທີ່ມີທ່າແຮງລະຫວ່າງ 2 ສະຖາບັນ. ເຂົ້າຮ່ວມກອງປະຊຸມຄັ້ງນີ້ ມີ ທ່ານ ປອ ແກ້ວມໍລະກົດ ສິດລາກອນ, ຫົວໜ້າ ສອຄ, ທ່ານ ສິງຄຳ ຄຳພອນ, ອຳນວຍການວິທະຍາໄລການຄ້າ ທັງເປັນຮອງຫົວໜ້າ ສອຄ ແລະ ຄະນະພະແນກຂອງ ສອຄ (IIC) ທີ່ຕິດພັນວຽກວິທະຍາໄລການຄ້າ.

ໃນລະຫວ່າງກອງປະຊຸມ, ທັງສອງຝ່າຍໄດ້ແລກປ່ຽນປະຫວັດສາດ ຄວາມເປັນມາ ແລະ ປຶກສາຫາລືກ່ຽວກັບຂໍ້ມູນທົ່ວໄປ ກ່ຽວກັບວິທະຍາໄລຂອງທັງສອງຝ່າຍ, ລວມທັງການລົງທະບຽນແລະເຂົ້າຮຽນນັກສຶກສາ, ການຈ່າຍຄ່າເທີມ, ແລະ ລາຍລະອຽດອື່ນໆທີ່ກ່ຽວຂ້ອງ. ສອງສະຖາບັນ ຍັງໄດ້ປຶກສາຫາລືຄວາມເປັນໄປໄດ້ຂອງການສຶກສາ ການຝຶກງານ ແລະ ການເຮັດວຽກລະຫວ່າງຮຽນ ແລະ ພາຍຫລັງຮຽນຈົບຂອງນັກຮຽນ ລວມທັງການຮ່ວມມືດຶງດູດນັກສຶກສາ ຫຼາຍກວ່າເກົ່າ.
ການພັດທະນາທີ່ໜ້າຕື່ນເຕັ້ນອັນໜຶ່ງ ຈາກກອງປະຊຸມແມ່ນການສະເໜີ ເປີດຫຼັກສູດການຮຽນພາສາຈີນ ຮ່ວມກັນ, ໂດຍມີທາງເລືອກທັງຫຼັກສູດ 3 ເດືອນ ແລະ 6 ເດືອນ. IIC ສະແດງຄວາມຍິນດີ ສໍາລັບການລິເລີ່ມນີ້ ແລ ະປຶກສາຫາລືວິທີການ ທີ່ມີທ່າແຮງທີ່ຈະສະຫນັບສະຫນູນໂຄງການ.

ສຸດທ້າຍ, ສອງສະຖາບັນໄດ້ເຫັນດີ ສືບຕໍ່ປັບປຸງ ແລະ ກະກຽມລົງນາມໃນບົດບັນທຶກຄວາມເຂົ້າໃຈ (MOU) ຂອງສແງຝ່າຍ ເພື່ອສ້າງການຮ່ວມມືຢ່າງເປັນທາງການ. ຄາດວ່າ MOU ຈະໄດ້ຮັບການສຳເລັດພາຍໃນ 2 ອາທິດຂ້າງໜ້າ, ທັງສອງຝ່າຍໄດ້ສະແດງຄວາມສົນໃຈຢ່າງຫລວງຫລາຍ ແລະ ຍິນດີ ກ່ຽວກັບຄວາມສາມາດບົ່ມຊ້ອນ ໃນການຮ່ວມມືດ້ານການສຶກສາ ໃນອະນາຄົດຂ້າງໜ້າ.